يا بنت الايه يا كيادة .. هويتك فرض وعبادة
عشقتك والهوى غالب .. يطيعه العبد والسادة
رسمتك وشم على قلبى ..تعبتى قلبى بزيادة
وقلت ابعد بعيد عنك .. و أجرب حضن غير حضنك
لقتنى هربت فى قلبك .. مرادك شهد و شهادة
يا بنت الايه يا كيادة
أنا الحامى حدود أرضك .. وماسك حربتى فى ايدى
أنا البانى صروح مجدك ..بروحى بدمى بوليدى
أنا الكاتب تاريخ شاهد .. على ظلمك بتشريدى
أنا الراوى مواويلك .. بناى الحزن فوق نيلك
أنا الضاحك انا الباكى .. انا المحروم فى يوم عيدى
يا بنت الايه يا كيادة
كتبت اسمك على جبينى .. رفعتك تاج قصاد عينى
وعشت أحلم سنين عمرى .. لعلك يوم تجاوبينى
حضنت الريح فى ليالى البرد .. سترتك ليه تعرينى
انا ابنك يا محروسة .. يا ارض القرع والكوسة
لا انا تاجر ولا فاجر و لا هارب بملايينى .
من جريدة المصرى اليوم للشاعر " نبيل الزنفلى "
ليست هناك تعليقات:
إرسال تعليق