شعر حسني مبارك .. اهداء الى شعب مصر
ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي شايف وعارف وخايف وبالع لسانه وكاتم ماقال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك واذل اللي جابك وحيكون عذابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حلبك حتطلع حتنزل حجيبلك جمااااال
منقولة من موقع الفيس بوك
الف مبروك يا بليغ على المدونه
ردحذفدى اللينكات الى قولتلك عليها
تجمع العمرانيه
العمرانيه
http://www.omraneya.net/
جبهة التهييس الشعبية
http://tahyyes.blogspot.com/
رابطة مدونى الدلتا على فكرة مشروع وتقابلو فى بوكس أند بينز كم مرة بس فشل
http://eldeltabloggers.blogspot.com/
المدونتين دول هتلاقى فيهم روابط لمدونات كتير جديرة بالمتابعه
كفايه حرام
http://kefaya7aram.blogspot.com/
و مختار العزيزى
http://unbrainwasher.blogspirit.com/
والموقع ده جامد ممكن ينشر بوستاتك الجديده اللى على المدونه على المواقع الاجتماعيه زى الفيس او التويتر او الجيكو ...الخ
http://www.networkedblogs.com/
والواد ده دماغه حلوة
عاشوووور
http://3asoryat.blogspot.com/
قشطه !!
على فكرة شريط ابو الليف جاااامد مش عارف ليه بيفكرنى بكورن
اه بالحق اعمل للتعليقات
ردحذفconfirmation
عشان ال
spam
حبيبي يا عبده
ردحذفاهو ده الكلام!